Beth mae'r Cyngor yn ei wneud?

Mae Cyngor Cymuned Pentyrch yn cynnal a chadw 45 milltir o lwybrau cyhoeddus. Mae’r rhan fwyaf o’r meinciau wedi eu darparu gan y Cyngor Cymuned yn ogystal â hysbysfyrddau yng nghanol y pentrefi. Mae planhigion gwyllt wedi eu plannu yn y gwrychoedd, rhoddir basgedi blodau yn yr haf a choed Nadolig ym mis Rhagfyr.

Dros y blynyddoedd mae’r Cyngor Cymuned wedi derbyn perchnogaeth o ardal sylweddol o diroedd gyda’r nod o gadw’n pentrefi rhag ddatblygiadau. Mae’r Cyngor Cymuned yn berchen ar Comin y Garth, coed a chaeau rhwng Fairmeadow a Chefn Bychan ym Mhentyrch, coedwigoedd yng Ngwaelod y Garth, y maes chwarae, coedydd a’r Pwll Broga yng Nghreigiau, a nifer o ddarnau o dir yn yr ystadau tai. Mae’n rhaid cynnal a chadw’r ardaloedd hyn am resymau diogelwch ac er mwyn rhoi pleser a modd i drigolion eu defnyddio a’u mwynhau. Mae mynwentydd Bronllwyn a Penuel o dan reolaeth y Cyngor Cymuned yn ogystal â’r Parc Coffa a’r Cofgolofn ym Mhentyrch.

Mae’r Cyngor Cymuned yn ymdrechu i sicrhau fod y cyfleusterau sylfaenol yn ein pentrefi yn cael eu cynnal drwy dynnu sylw’r awdurdodau priodol i dyllau yn y ffordd, goleuadau stryd wedi torri, glanhau’r strydoedd, gordyfiant ar balmentydd, sbwriel a fandaleiddio.

Mae Cynllunio yn faes sydd yn achosi pryder i Gynghorwyr ac yn y blynyddoedd diweddar mae’r Cyngor wedi ymladd yn erbyn nifer o geisiadau a fyddai wedi cael effaith andwyol ar ein cymunedau. Rydym wedi ymgyrchu i ddod â Band Eang i’n pentrefi. Rhoddir cefnogaeth ariannol ac ymarferol i nifer o fudiadau lleol. Mae’r Cyngor Cymuned yn Ymddiriedolwyr i Neuadd y Pentref Pentyrch ac mae cyrff eraill yn ystyried hynny. Mae’r Cyngor Sir a Llywodraeth y Cynulliad yn ymgynghori â ni ar wahanol bynciau.

Aelod

Member